Предизвикот на овој проект беше за многу кратко време да се модернизира и мигрира постоечката веб-страница на СДСМ од еден ЦМС на друг ЦМС и од еден сервер на друг сервер. Дизајнот и покрај тоа што не претрпе големи промени, туку козметички „фејс-лифтинг“, главната работа беше во позадинскиот дел.
Целта на трансферот беше да се дозволи на ПР секторот да може да работи брзо, ефикасно и да менува и додава содржини од било кој уред на било која локација.
Клучниот предизвик беше префрлање на повеќе од 10.000 уникатни објави, за кои немаше никаков начин да се експортираат автоматски од стариот ЦМС. За таа цел, користевме скрипта која го кролаше стариот ЦМС за сите содржини и автоматски ги додаваше на новиот ЦМС. Со ова, за еден викенд, автоматски ги пренесовме скоро 10.000 содржини, заедно со нивните слики, текстови, категории, уникатни обележја и видеа.
Втора цел на редизајнот беше и додавање на можност за додавање на содржини на повеќе јазици и превод на веб-страницата.
И покрај тоа што префрлувањето на веб-страницата за надворешните корисници изгледа само како обично освежување на дизајнот, најголем бенефит има ПР тимот, кој сега знае дека има предвидлив ЦМС, заштитен, обезбеден, напреден, модерен и најважно – ЛЕСЕН за користење.
Со ова се отвора и можноста за брзо редизајнирање и целосно менување на дизајнот на било која од страниците, бидејќи темата е рачно изработена со визуелен дизајнер.
Соопштенија 
Поединечна страница 
Констакт
