Овој проект е еден од нашите омилени, бидејќи ги поврзува нашите омилени работи: претприемништво, дигитализација и книги!
Муза е нова и мала издавачка куќа, која сака да се фокусира на онлајн продажба во денешното мошне дигитализирано и затворено дома општество (корона). Предизвикот беше да направиме брза и модерна веб-страница за е-трговија, која ќе расте од продажба на десетина книги во повеќе стотици.
Цели:
- Респонсивен дизајн на веб-страница со е-продавница
- Интегрирање на онлајн плаќање со картичка
- Позадина за менаџирање на пратки и продукти
- Лесно додавање на нови продукти, пуштање на попусти, акции…
- Групирање на повеќе продукти во гифт-боксови
Во текот на дизјанот исклучително важно беше да се акцентираат самите книги и гифт-боксовите, со цел продуктите на Муза да дојдат на прво место.
Целта на искуството на корисникот е да се овозможи брзо и безбедно купување, но и прегледување на самите книги и лесно комплетирање на трансакција.
Трансакциите не бараат креирање на кориснички профил, а процесирањето на трансакциите е преку cPay.
Генерално, ова е пример за модерна е-книжарница, која овозможува директна продажба до крајните корисници, со достава до дома и комплетна контрола на клиентот врз нивниот систем. Буквална копија од тоа што значи физичка продавница во е-продавница.
