Социо-еколошкиот форум Скопје 2021 е првиот форум на високо ниво кој се организира за земјите од Западниот Балкан и кој ги поврзува регионалните одлучувачи (политички партии, институции, НВО и тинк-тенкови) со цел да дискутираат за зелената иднина на регионот и начинот како да се постигне јаглерод-неутрална, чиста иднина за сите.
Клиенти беа Friedrich-Ebert-Stiftung, Olof Palme International Center, Прогрес Институт за социјална демократија.
За организација на настанот, целосната брендинг стратегија и односите со јавноста имавме нешто помалку од 30 дена.
Во текот на подготвителната фаза, заедно со клиентите ги утврдивме целите кои сакаат да бидат постигнати и ги усогласивме пораките кои требаше да се комуницираат до јавноста и медиумите.
Бидејќи времето беше исклучително кратко, а обемот на задачи беше огромен, тимот на Блинк се подели на три тима кои работеа паралелно низ три фази за исполнување на проектот:
Тимови:
- Тим за дизајн и брендирање / Креирање на веб-страница
- Тим за продукција и организација
- Тим за односи со јавноста
Фази:
- Претпродукција, најава и брендирање
- Ден на настанот
- Постпродукција, одјава и евалуација
Откако тимовите одлично си ги завршија своите задачи, на крајот имавме исклучително успешен настан, кој со физичко присуство беше домаќин на 70 регионални организации, 2 премиери, неколку европратеници, околу 300 гости, од кои нешто повеќе од 40 новинари (домашни и странски). На Zoom не’ следеа уште повеќе од 40 луѓе, додека преносите во живо имаат повеќе од 10.000 прегледи заедно.
За време на денот на одржување на настанот и следниот ден, остваривме повеќе од 150 објавени медиумски текстови поврзани со настанот.
Во организацијата на настанот беа вклучени околу 40 технички лица, маркетинг лица, дизајнери продуценти, реализатори, фотографи, видео-сниматели, преведувачи и други професионалци.
Повеќе за овој настан можете да дознаете на веб-страницата: https://sef-skopje.mk/
Во прилог фотографии од брендинг материјалите и видео од настанот:
